今日係雷大囡農歷生日，雖然平時都係慶祝新歷嘅，但見咁啱撞正要打波，不如就整個蛋糕返去同同學仔一齊食下開心下啦☺️☺️
雷囡媽媽我沈晚靜靜雞偷偷地整左成晚，整到成一點鐘，仲好成功咁攞到去球場佢都唔發覺，滿心歡喜俾個驚喜雷大囡。一攞蛋糕出黎成班同學仔都好開心好興奮，點知....雷大囡竟然走左😭😭😭，連蠟燭都係我自己吹...🙈🙈🙈 場面有啲尷尬...但我其實都有預左會係咁，我知佢心裡面應該都開心嘅，只係有啲太「驚」喜而不知所措姐。
好彩個蛋糕大受歡樂，大人小朋友都話好味。我自己都覺得好驚喜，估唔到味道咁夾。好新鮮。
本來想買芒果整，但而家唔係時候，芒果好生，所以買藍莓試下，上網搵左成日食譜都搵唔到藍莓忌廉...最多都係一般忌廉加原粒藍莓。心知不妙，應該會有難度...打完忌廉發覺加完藍莓醬忌廉會溶晒....同想像有出入，好彩最後都成功。仲個個都話好味，好大滿足感☺️☺️
Search